UTENZI WA HARUSI: SADRA
Bismillah wadudi
Mola wangu maabudi
Nashukuru sina budi
Baraka kutujazia
Neema pia baraka
Kutoka kwako rabuka
Twakuomba msifika
Jambo letu kutimia
Leo ni siku adhimu
Siku ya mashamshamu
Nyoyo zina tele hamu
Sherehe twasherekea
Karibuni uwanjani
Karibuni nyi wageni
Karibuni shughulini
Sherehe imetimia
Vigele gele kidogo
Tuifanye haja ndogo
Dada yetu si mdogo
Ndoani ameingia
Ndoa ndio njema dira
Nakuasa dada sadra
Ndoa ni njema bishara
Maisha kuendelea
Da sadra wangu mpenzi
Sikufundishi mapenzi
Nakufundisha kuenzi
Mume aweze tulia
Mume kwako ndiye mwenza
Mume wako ni wakwanza
Mume ukimchombeza
Ndoa yenu kutulia
Ongeza tele makeke
Mume wako umteke
Thamani yako ya mke
Mume atakupatia
Kuna vitamu ndoani
Ndoani sio ndotoni
Usicheke na jirani
Usije ukajutia
Jipake poda uturi
Bashasha kitu kizuri
Sema na mume vizuri
Itakuwa njema ndoa
Ataporudi kazini
Mkaribishe chumbani
Mpige busu laini
Mume atakuridhia
Timiza wajibu wako
Mume kwako ndiye wako
Usingoje ndugu zako
Mume atakukimbia
Mume wako muogeshe
Na nguo umvalishe
Chakula pia mlishe
Mahaba yatajazia
Ng'arisha sauti yako
Ung'arishe uso wako
Paka wanja paka piko
Da sadra ndani tulia
Mume ni wako da sadra
Yapunguze masihara
Ukali uwe wa nadra
Ndoani utaenea
Ndoa kamwe si ndoana
Ndoa nikuelewana
Ndoa ni kushikamana
Mapenzi yanaenea
Tamati sijafikia
Da sadra wetu tulia
Shukrani nazitoa
Wote mupate sikia
Nipo chini yako mama
Naogopa kusimama
Nisijevunja heshima
Shukurani sana mama
Mama yangu shukurani
Kwa mizani yangu duni
Sinayo mengi kinywani
Ninakupenda moyoni
Kando ya yote ni baba
Kwa mapenzi marhaba
Nakushukuru si haba
Baba shukurani baba
Mapenzi niliyahisi
Mama na baba kaisi
Daima nitawamisi
Maisha kuendelea
Niendelee kidogo
Ni kwa mamie wadogo
Hawa kwangu ni vigogo
Makuzi walinilea
Shukurani zilo aya
Mamie wangu jinaya
Umepigania haya
Leo nami kutulia
Mamie wangu bishara
Na khadija ndio dira
Leo nimekuwa sadra
Shukurani nawambia
Bibi zangu wa daima
Wa kwanza bibi asma
Bibi shungi hima hima
Nawapenda nyie sana
Nawashukuru kwa dhati
Walioniweka kati
Shukrani sio ati
Shukurani zilo dhati
Shukurani dada nasra
Shukurani da munira
Nanyi kwa ndio dira
Maisha kuyaendea
Da bidawana salma
Mmenifunza heshima
Kamwe sitokuwa nyuma
Shukurani nawambia
Dada mamu na bogozo
Nyinyi kwangu muongozo
Pia ndio maliwazo
Ndoani nimeingia
Shukurani ka Hassani
Akhera na duniani
Nimefurahi moyoni
Shukurani nakwambia
Shukurani babu ally
Idirisa babu dully
Hekima zenu awali
Shukurani nawapeni
Tamati nimefikia
Sina budi kuwambia
Kwaheri nawapatia
Ndoani sasa nangia.
Mwinyi Abdallah
O655895599
0 Comments