SHAIRI: KWAHERINI TWAWAAGA

1.      Salamu na inudhumu, ujumbe nawaletea

Namshukuru rahimu, uzima kutupatia

Kwetu hili ni jukumu, uislamu kukua

Leo kwenu wahitimu, hongera nawapatia

2.      Karibuni barazani, karibuni ukumbini

Ninayo mengi moyoni, wahitimu sikieni

Hili lanipa huzuni, japo moyoni si geni

Ndugu zangu kwaherini, dunia bado chuoni

3.      Dua bado chuoni, dunia bibi harusi

Muloyapata chuoni, yatumieni kiasi

Dunia ni safarini, musipate ukakasi

Yatupasa jamiini, tukayatoe maasi

4.      Nawaasa ndugu zangu, acha kufuga mapenzi

Mila zile za kizungu, miaka tele mpenzi

Umewapanga mafungu, kwa enzi tangia enzi

Hautaki bwana mungu, uchumba huu wa enzi

5.      Ndoa weka msitari, kwako ni nguzo imara

Ndoa ndie mshauri, kupata kilichobora

Ndoa ninaihubiri, ndoa kwako ndio dira

Oeni mpate kheri, ndoa kwetu ni stara

6.      Vijana nawahusia, ishikeni sana dini

Vikaoni hudhuria, uisome qurani

Sunna za wetu nabia, zifwate bila mizani

Mola atajaalia, akhera wende peponi

7.      Daima shikamaneni, umoja ule wa safu

Musingoje mitihani, kusaka umaarufu

Wadada jihifadhini, daima muwe nadhifu

Sina budi kwaherini, safari yetu ni ndefu

8.      Anasa ndugu anasa, iepuke maishani

Anasa ndugu anasa, maishayo kuwa duni

Anasa ndugu anasa, kijana shikana dini

Anasa ndugu anasa, nawaaga kwaherini

9.      Tamati nimefikia, huzuni imenifika

Ujumbe nilokugea, ni vyema ukaushika

Dini mukizingatia, mengi yatawaepuka

Kwaheri nawapatia, kwaheri isiyoshaka

Mtunzi: MwinyiAbdallah

0657 895 599 

email: mwinyiabdallah2012@gmail.com 

Download shairi hapa shairi: Kwaherini Twawaaga