JUMANNE YA MCHINJA

Nguvu ya umma, nguvu ya wote

Amkeni amkeni, sauti ninaitoa

Naombeni nifateni, la mgambo limelia

Nataka nikwambieni, makosa kutorudia

Nitumie lugha gani, siku hii kuijua

Siku hii kuijua, kwanza ujue thamani

Haki zako kuzijua, mchinja mpe kidani

Jumanne utajua, thamani yake ni nini

Chelea mwana kulia, hulilia mitihani

Jumanne siku bora, kimbilia mjengoni

Jengo kubwa la duara, namba tatu mlangoni

Mchinja kampe kura, tupate mtu makini

Mchinja anayo dira, hima jama tuwahini

Jumanne ya thamani, nakuomba ushiriki

Mchinja tumuwekeni, tupate nguvu ya haki

Tusije sota jaani, kwa wanao pinga haki

Nguvu ya waote jamani, wengine watoke nduki

Uongozi wenye nguvu, huonekana mapema

Mwanamke ni shupavu, maamuzi kusimama

Mwanamke ni mwerevu, makamu wake ni mama

Maumbo yao angavu, wataweza kusimama

Huenda haujajua, jumanne kuna nini

Ndugu naomba tambua, hii siku ya thamani

Ndo siku ya kuingia, mkombozi wa chuoni

Mchinja unamjua, nguvu ya haki mpeni

Heshima ilo adhimu, ndugu nina kuombeni

Jumanne ni adhimu, mchinja mchagueni

Katuahidi matamu, kheri tukamuamini

Mchinja nguvu ya umma, mchinja raisi mwema

Mchinja raisi mwema, Tamati nimefikia

Mchinja raisi mwema, jumanne kuchagua

Mchinja raisi mwema, haki kuzipigania

Mwinyi kauli nasema, mchinja nguvu ya umma

Mtunzi: Mwinyi Abdallah

              0655895599

email: mwinyiabdallah2012@gmail.com