SHAIRI: HERI YA KUZALIWA

1.

Mola namtanguliza, ujumbe kukupatia

Huenda ukakuliza, nakuomba vumilia

Mengine nakueleza, mengi umeyapitia

Chonde usijeibeza, muhimu kuzingatia

2.

Ninaweka kwanza pozi, moyoni nafikiria

Umeshazipanga ngazi, umepiga na hatua

Subira pia mapenzi, mola kakuongezea

Salamu hizi za enzi, moyo wako chini tua

3.

Mola amekuhifadhi, miaka imesogea

Kakukinga na maradhi, ukweli unaujua

Miaka leo yakidhi, hakika imetimia

Halijawa kwako udhi, penzi nilokupatia

4.

Miaka imetimia, muda mrefu wapita

Ngazi kuzipangilia, yakwanza hadi ya sita

Nakuomba vumilia, kusubiri sio vita

Hatua ilobakia, daima hauta juta

5.

Siku ulipozaliwa, hadi leo yatimia

Malezi uliyopewa, mzazi heko natoa

zuri umeumbiwa, mazuri umejazia

Mvua ulonyeshewa, dalili yake si jua

6

Nakshi naweka kati, nimefikia hatamu

Hii yangu ndo tamati, leo nimekusalimu

Nikiupata wakati, nitautunza kwa hamu

Umezaliwa Bahati, hongera sana hamumu

(MWINYI ABDALLAH)

Happy birthday to you, I wish u all the best my lovely honey